又 到 王 子 周 末 推 介 啦！身 邊 有 啲 食 力 驚 人 嘅 女 仔 朋 友 食 極 都 唔 肥 ，真 係 羨 慕 死 人。喺 金 城 小 廚 同 好 友 下 午 茶 聚 ，傾 吓 傾 吓 食 吓 食 吓 竟 然 由 下 午 茶 餐 食 到 點 晚 飯 小 菜 ，睇 住 一 個 女 仔 由 頭 帶 到 落 尾 嘅 驚 人 食 量 . . . 非 用 嘆 為 觀 止 嚟 形 容 不 可。
正 確 嚟 講 ，其 實 我 哋 係 喺 金 城 粉 麵 餐 廳 食 下 午 茶 餐 ，兩 間 店 都 係 同 一 個 老 闆 所 以 可 以 互 通。最 奇 妙 嘅 係 我 哋 可 以 喺 餐 廳 order 小 廚 那 邊 嘅 小 菜。而 幾 個 侍 應 更 係 nice 到 不 得 了 ，始 終 由 餐 廳 寫 單 再 到 小 廚 落 單 ，然 後 再 攞 小 菜 返 到 餐 廳 呢 邊 ，來 回 路 程 唔 算 短 ，伙 記 大 叔 無 怨 言 之 餘 仲 笑 笑 口 幫 我 哋 一 次 又 一 次 咁 加 單 (可 能 笑 我 哋 大 食 吧！)
XO醬炒腸粉 係 下 午 茶 餐 之 一 ，當 然 有 包 餐 飲。價 錢 唔 算 特 別 平 ，但 吉 列 豬 扒 及 薯 條 都 係 即 叫 即 炸 嘅！好 食 過 快 餐 集 團 嘅 出 品 幾 條 街。
吉 列 豬 扒 炸 粉 薄 薄 ，炸 到 金 黃 香 脆。薯 條 熱 辣 辣 ，外 微 脆 、內 軟 熱 ，難 怪 靚 女 Like 到 忘 記 同 我 share 啦！
炸 雞 髀 薯 條 ($22) 其 實 係 見 老 友 食 得 咁 興 奮 ，我 忍 唔 住 另 點 嘅 下 午 茶 餐！炸 雞 髀 皮 脆 唔 油 膩 得 嚟 肉 質 亦 嫩 滑 ，如 果 可 以 炸 到 金 黃 色 就 更 perfect 啦！
沙 嗲 干 炒 肥 牛 烏 冬 ($34) 係 share 食 ，好 夠 鑊 氣 噃！
烏 冬 炒 到 惹 味 十 足 ，油 膩 感 無 炒 河 粉 咁 重 ，入 口 都 幾 彈 牙。肥 牛 唔 會 醃 到 鬆 晒 ，有 咬 口 、有 肉 味 ，唔 錯！
芒 果 腸 粉 ($40) 價 錢 貴 過 市 面 甜 品 店 ，但 份 量 多 一 倍 ，計 落 其 實 唔 貴 ，最 重 要 係 出 奇 咁 好 食 ，你 一 定 要 試 吓！
芒 果 腸 粉 面 層 泛 奶 黃 色 ，唔 係 一 般 嘅 白 色 ，質 感 滑 嘟 嘟 ，食 落 感 覺 到 有 煉 奶 嘅 香 甜 ，點 整 架？唔 通 唔 係 落 椰 奶 ，而 係 用 煉 奶？
芒 果 當 造 ，梗 係 鮮 甜 到 極 啦！配 合 埋 大 量 忌 廉 ，成 件 放 入 口 ，攪 到 口 甜 舌 也 滑。
芒 果 肉 份 量 勁 多 ，我 估 用 咗 3 個 甚 至 4 個 芒 果 ，抵 呀！
反 轉 雞 中 翼 ($78) 又 係 一 定 要 試 ，咁 貴 嘅？手 工 菜 嘛！
將 雞 中 翼 起 肉 逐 隻 翻 到 盡 頭 固 定 ，好 花 工 夫 架！
最 後 加 入 大 量 洋 蔥 、黑 椒 爆 炒 ，香 噴 噴 鑊 氣 十 足 ，色 澤 均 勻 ，惹 味 到 停 唔 到 口 ，差 啲 同 老 友 爭 食 最 後 一 隻。
